2021-03-09 10:07

Futbol üzrə İtaliya A Seriyasında 26-cı turun mərkəzi görüşü "İnter" və "Atalanta" komandaları arasında keçirilib. 1:0 hesablı qələbədən sonra xalını 62-yə çatdıran "İnter" liderliyini möhkəmlədib. "Atalanta" isə 49 xalla 5-cidir. Futbol üzrə İngiltərə çempionatının 27-ci turunda “Çelsi” “Everton”u qəbul edib. Matç “Çelsi”nin vurduğu iki qolla yekunlaşıb. Bununla da, komanda məğlubiyyətsiz oyunlar seriyasını 12-yə çatdırıb. Futbol üzrə Türkiyə çempionatının 29-cu turunun sonuncu qarşılaşmasında “Fənərbağça” “Konyaspor”un qonağı olub. İstanbul təmsilçiləri rəqib qapısından üç cavabsız top keçiriblər. Hazırda Türkiyə Superliqasının turnir cədvəlinə 60 xalla “Beşiktaş” başçılıq edir. İkinci pillədə 58 xalla "Qalatasaray", üçüncü pillədə isə "Fənərbağça" qərarlaşıb.

Nərgiz camal