2021-06-06 10:10

Futbol üzrə Azərbaycan milli komandası növbəti beynəlxalq yoldaşlıq oyununun keçirib. Kişinyovda Moldova yığmasına qonaq olan seçməmiz görüşdə 1:0 məğlub ayrılıb. "Formula 1" üzrə Azərbaycan Qran-prisinin qalibi müəyyənləşib. "Red Bull" pilotu Serxio Peres bütün rəqiblərini qabaqlayaraq finişə birinci çatıb. Dünən şahmat üzrə çempionlar turunda birinci mərhələnin ikinci turunun oyunları keçirilib. Şəhriyar Məmmədyarov rusiyalı Aleksandr Qrişuk, Teymur Rəcəbov niderlandlı Aniş Giri ilə heç-heçə ediblər. Seriya ümumilikdə beş mərhələdən və böyük finaldan ibarət olacaq. Bu gün Macarıstanın paytaxtı Budapeştdə keçirilən cüdo üzrə dünya çempionatında daha 3 idmançımız mübarizəyə qoşulacaq. Kişilərdə Nicat Şıxəlizadə və Orxan Səfərov, qadınlardan isə Gültac Məmmədəliyeva tatami üzərinə çıxacaqlar. Ötən gün Kəramət Hüseynov mundialın bürünc medalını qazanıb.

Nərgiz camal