2021-06-23 10:05

Bu gün futbol üzrə Avropa çempionatında qrup mərhələsinə yekun vurulacaq. Son oyun günündə 4 qarşılaşma baş tutacaq. E qrupunda Polşa millisi İsveçlə, Slovakiya yığması isə İspaniya ilə üz-üzə gələcək. Hər iki oyun Bakı vaxtı ilə saat 20-də başlayacaq. F qrupunda Pley-offa vəsiqəni təmin edən Fransa millisi Portuqaliya yığması ilə qarşılaşacaq. Qrupun digər matçında isə Almaniya və Macarıstan yığmaları münasibətlərinə aydınlıq gətirəcəklər. Hər iki qarşılaşma yerli vaxtla saat 23-də start götürəcək.

Fərid Mehdiyev