2020-12-28 14:08

İspaniyanın Barcelona klubunun və Argentina millisinin futbolçusu Lionel Messi karyerası ilə bağlı açıqlama verib. 33 yaşlı hücumçu heç bir klubla danışıq aparmadığını bildirib. "Barcelona-dan ayrılıb-ayrılmayacağımı bilmirəm. Bu barədə mövsümün sonunda danışacağıq. Ancaq karyeramı bitirdikdən sonra klubda qalacağıma ümid edirəm". Ulduz futbolçu Real Madrid və Atletiko-da çıxış etməyin mümkünsüz olduğunu qeyd edərək nə vaxtsa ABŞ çempionatında oynamaq arzusunun olduğunu da bildirib. Lionel Messi yayda Barcelona-nı tərk etmək istəsə də, klub rəhbərliyi onunla müqaviləni pozmaqdan imtina edib. Daha sonra Messi komandada ən azı bir mövsüm qalacağını açıqlayıb.

Fərid Mehdiyev