2020-12-29 16:09

Fransanın PSJ klubu baş məşqçi Tomas Tuxellə yollarını rəsmən ayırıb. Paris təmsilçisi rəsmi saytı vasitəsilə almaniyalı mütəxəssisin istefaya göndərildiyini bəyan edib. İllik maaşı 7,5 milyon avro olan Tuxelin müqavilə müddəti mövsümün sonuna qədər olduğundan, buna xitam verilməsi üçün fransızlar ona 6 milyon avroluq təzminat ödəməli olacaq. Fransa klubu 47 yaşlı çalışdırıcının rəhbərliyi altında 95 qələbə, 12 heç-heçə, 20 məğlubiyyətlə yadda qalıb. Klubun yeni baş məşqçisinin argentinalı Maurisio Poçettino olması gözlənilir.

Vüsalə Camal