Fövqəladə Hallar Nazirliyi sürücüləri yollarda hərəkət edən yanğınsöndürən və xilasetmə avtomobillərinə dərhal yol verməyə çağırıb.Nazirlik bildirir ki, yeni tədris ilinin başlaması ilə yollarda yaranan sıxlıq xüsusi təyinatlı texnikaların hadisə yerinə vaxtında çatmasına çətinlik yaradır. Xüsusilə bəzi sürücülərin operativ nəqliyyat vasitələrinə yol verməməsi yanğın, qəza və digər fövqəladə hadisələrin nəticələrinin aradan qaldırılmasını gecikdirir.Yanğınsöndürən və xilasetmə avtomobillərinə yol verməyən sürücülər qanunvericiliyə uyğun məsuliyyət daşıyırlar. Digər tərəfdən, belə hallarda ən böyük risk təhlükədə olan insanların həyatının xilas edilməsinin gecikməsidir.

18 sentyabr 2026