Fövqəladə Hallar Nazirliyi bəzi ərazilərdə gözlənilən qeyri-sabit hava şəraiti ilə bağlı əhaliyə müraciət edib. Qurumun məlumatına görə, fevralın 20-si səhərədək güclü külək, fasilələrlə yağıntı və temperaturun 4-6 dərəcə enməsi proqnozlaşdırılır. Nazirlik vətəndaşlara yüngül konstruksiyalı tikililərdən, reklam lövhələrindən, elektrik dirəkləri və hündür ağacların altından uzaq durmağı tövsiyə edib.FHN həmçinin küləkli havada yanğın təhlükəsizliyi qaydalarına ciddi əməl olunmasını, kiçikhəcmli gəmi istifadəçilərinin dənizə çıxmamasını xatırladıb.Soyuq hava ilə əlaqədar qaz və elektrik qızdırıcılarından istifadə zamanı dəm qazı təhlükəsinə qarşı diqqətli olunmalı, nasaz və qeyri-standart cihazlardan istifadə edilməməlidir.

19 fevral 2026