2020-05-09 12:00

Böyük Vətən Müharibəsində faşizm üzərində qələbənin 75 ili tamam olur. Müharibədə Azərbaycanın 600 mindən çox oğul və qızları iştirak edib, onlardan yarıdan çoxu döyüş bölgələrində həlak olub və itkin düşüb. 123 Azərbaycan vətəndaşı Sovet İttifaqı Qəhrəmanı adına layiq görülüb, 170 mindən çox əsgər və zabitimiz müxtəlif orden və medallarla təltif edilib. Onlar arasında Gəncənin Xan bağında dəfn olunan cəmi 27 il ömür sürən ilk azərbaycanlı Sovet İttifaqı Qəhrəmanı İsrafil Məmmədov da var. Saat 20:30-da Kəpəz TV-nin efirində “Bu gün” İnformasiya buraxılışında o qəhrəman oğullardan biri ilə daha yaxından tanış olacaqsınız. 100 yaşlı gəncəli veteran Qüdrət Cəfərovun döyüş xatirələrindən xəbərdar olmaq üçün buraxılışımızı izləməyi unutmayın.

Fərid Mehdiyev