Fövqəladə Hallar Nazirliyi hava şəraiti ilə bağlı əhaliyə müraciət edib
2021-05-04 16:07
Mayın 5-i səhərdən başlayaraq ölkə ərazisində hava şəraitinin qeyri-sabit keçəcəyi, güclü külək əsəcəyi proqnozlaşdırılır. Bununla əlaqədar FHN əhaliyə müraciət edib. Təhlükəsizlik naminə ciddi zərurət olmadan bayıra çıxmamaq tövsiyə olunur. Əgər güclü külək sizi küçədə haqlayıbsa, yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq, diqqətli hərəkət edərək yaxınlıqdakı binanın zirzəmisində və ya möhkəm tikilidə daldalanmaq məsləhət görülür.
Nərgiz camal