2021-11-19 16:05

Şirkətlərdən birinin Quba filialında yol verilmiş qanunsuzluqlarla bağlı rayon prokurorluğunda cinayət işi başlanılıb. Müəyyən edilib ki, 2018-2019-cu illərdə filialın satış üzrə nümayəndəsi olmuş Rəhman Fətəliyev 26 900 manatı mənimsəyib. Satış meneceri olmuş Tarlan Amrakhzade isə 6 500 manatı xərcləyib. Barələrində başqa yerə getməmək haqqında iltizam qətimkan tədbiri seçilib. Dəyən ziyanın tam ödənilməsi təmin edilib. Paytaxtın Binəqədi rayonunda isə müxtəlif ünvanlarda “Azərsu” ASC tərəfindən quraşdırılan 11 ədəd su sayğacını oğurlamaqda şübhəli bilinən Teymur Allahverdiyev saxlanılıb. O, sayğacları metal qəbulu məntəqələrinə satdığını bildirib.

Nərgiz camal