2021-03-29 14:07

Evlərdən külli miqdarda pul və qızıl oğurlayanlar saxlanılıblar Ağstafada oğurluq edənlər polisdən qaça bilmiyiblər. Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində iki evdən 3 000 manat pul, qızıl-zinət və məişət əşyaları oğurlamaqda şübhəli bilinən Dağkəsəmən kənd sakinləri saxlanılıblar. Tovuzda da anoloji hadisə baş verib. Belə ki, rayon ərazisindəki evlərdən birinin zirzəmisindən 25.000 manat dəyərində qızıl-zinət əşyaları oğurlamaqda şübhəli bilinən 1 nəfər Gədəbəy rayon sakini polis tərəfindən tutulub, digərinin isə şəxsiyyəti müəyyən edilib.

Nərgiz Camal