2020-12-28 10:02

Estoniyanın paytaxtı Tallində Azərbaycan və Belarus cəmiyyətlərinin birgə əməkdaşlığı ilə Azərbaycan xalqının Zəfər bayramına və Həmrəylik Gününə həsr edilmiş “Dostluq və Həmrəylik konserti” təşkil edilib. Tədbirdə səfirliklərin nümayəndələri, Estoniya hökumətinin rəsmiləri və digər qonaqlar iştirak ediblər. Estoniyanın dünyaca məşhur və istedadlı musiqiçilərinin iştirakı ilə reallaşan konsert 2 saatdan çox davam edib. Tədbirdə Azərbaycanın tarixi ərazilərinin işğaldan azad edilməsi ilə bağlı təbrik çıxışları, Azərbaycan və Belarus cəmiyyətlərinin birlik və həmrəylik çağırışları səsləndirilib. Sonda iştirakçılara və qonaqlara Azərbaycan Evi tərəfindən hədiyyələr təqdim edilib.

Vüsalə Camal