2020-12-17 10:06

Ermənistan hakimiyyəti həqiqəti təhrif etməyə və narazılıq dalğası doğuran informasiyanı ictimaiyyətdən gizlətməyə davam edir. Yerli mətbuatın yazdığına görə, indiyə qədər Qarabağ müharibəsində ölənlərin, yaralıların, itkin düşənlərin və əsirlərin sayı barədə rəsmən bildirilməyib. Nikol Paşinyan hakimiyyəti hələlik 3 000-dən çox hərbçinin həlak olmasını açıqlayıb. Amma müxalifət itkilərin bu rəqəmdən çox olduğunu deyib. Hökumətdəki mənbələr isə hazırda 1 400 nəfər itkinin və morqlarda şəxsiyyəti məlum olmayan 700 meyitin olduğunu bildirib. Övladlarını, yaxınlarını axtaranlar amma tapa bilməyənlər isə etiraz aksiyası keçirirlər. Ermənistan Müdafiə Nazirliyi qarşısında baş tutan növbəti belə aksiyada etirazçılar nazirliyin qapısını sındırıb binaya daxil olublar. Valideynlər qəzəblidirlər və göstərilən laqeydliyə görə hərbi rəhbərlikdən izahat tələb edirlər.

Fərid Mehdiyev