2021-03-09 16:06

Ermənistanda aksiyalar davam edir. Bu dəfə iğtişaşların mərkəzi prezident iqamətgahının qarşısı olub
İrəvanda Ermənistan prezidenti Armen Sarkisyanın iqamətgahı qarşısında aksiya keçirilib. Erməni KİV-nin məlumatında bildirilir ki, etirazçılar prezidentdən baş nazir Nikol Paşinyanın qərarları ilə bağlı Konstitusiya məhkəməsinə müraciət etməsini tələb ediblər. Paşinyan Baş qərargah rəisi Onik Qasparyanın vəzifədən azad edilməsi ilə bağlı təqdimatı iki dəfə prezidentə göndərsə də, Sarkisyan bu müraciəti imzalamayıb. Bu gün istefa qərarı ilə bağlı Konstitusiya məhkəməsinə müraciət üçün son gündür. Müraciət olunmayacağı təqdirdə Qasparyan vəzifədən uzaqlaşdırılacaq.

Vüsalə Camal