2020-09-29 13:03
"Eçmiədzin rayonunda dislokasiya olunan və işğal edilən ərazilərimizdə gedən döyüşlərə cəlb edilən Ermənistan ordusunun 61-ci əlahiddə mühəndis alayının hərbi hissəsinin zabiti Spartak Köçəryan bu gün məhv edilib. Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. Müdafiə Nazirliyinin məlumatına görə, keçmiş Ağdərə rayonunun işğal altında olan Göyarx kəndi yaxınlığındakı yüksəklik ətrafında gedən döyüşlərdə bölmələrimizin daha bir düşmən tankı məhv edilib. Ermənistan tərəfinin guya Azərbaycan Hərbi Hava Qüvvələrinə məxsus helikopterin vurulması barədə yaydığı məlumat isə dezinformasiyadır.
Nərgiz Camal