2020-10-28 11:00

Ermənistan silahlı qüvvələrinin bölmələri bu gün gecə və səhər müxtəlif vaxtlarda Ermənistan-Azərbaycan dövlət sərhədində yerləşən yaşayış məntəqələrimizi və bölmələrimizin mövqelərini atıcı silahlardan atəşə tutub. Ermənistanın Berd, Çəmbərək, Vardenis və Gorus rayonları ərazisindən Tovuz, Gədəbəy, Daşkəsən və Qubadlı rayonlarının əraziləri düşmən tərəfindən atəşə tutulub. Səhər saat 7.35-dən 9-dək isə Ağcabədi rayonu ərazisi düşmən tərəfindən atəşə məruz qalıb. Bu barədə məlumat verən Müdafiə Nazirliyi Qubadlı istiqamətində gedən döyüşlər zamanı düşmənin atıb qaçdığı hərbi texnika və silah-sursatların videogörüntüsünü də yayıb.

Nərgiz Camal