2021-05-26 10:00

Dünən Ermənistan-Azərbaycan dövlət sərhədində Azərbaycan Silahlı Qüvvələri tərəfindən Ermənistanın Geqarkunik rayonunun Yuxarı Şorca yaşayış məntəqəsi ərazisindəki mövqelərinin guya Kəlbəcər rayonu ərazisindən atəşə tutulması barədə Ermənistan tərəfindən yayılan məlumatlar həqiqətə uyğun deyil. XİN-dən bildirilib ki, sözügedən ittihamlar Ermənistan tərəfindən yayılan növbəti yalan və sərhəd məntəqəsində vəziyyəti gərginləşdirmək üçün cəhddir. "Hazırda Azərbaycan-Ermənistan sərhədində vəziyyət sabitdir və nəzarət altındadır. Qarşı tərəfi bu və digər məsələlərlə bağlı fikir ayrılıqlarının həllində konstruktiv danışıqlar aparılmasına çağırırıq" deyə nazirliyin məlumatında deyilir. "Ermənistan ilə dövlət sərhədində xidmət aparan Azərbaycan sərhədçiləri tərəfindən Ermənistan ərazisinə doğru atəş açılması barədə məlumat həqiqətə uyğun deyildir". Bu barədə isə Dövlət Sərhəd Xidmətinin nümayəndəsi polkovnik Murad Nağıyev bildirib.

Fərid Mehdiyev