2020-12-12 16:00

Prezident İlham Əliyev 2020-ci il sentyabrın 27-dən başlayaraq Ermənistan silahlı qüvvələrinin Azərbaycan ərazisinə təcavüzü nəticəsində mülki əhalinin dağıdılmış və ya qəzalı vəziyyətə düşən yaşayış evləri üzrə məişət əşyalarına dəyən ziyanla bağlı Sərəncam imzalayıb. Hər bir ailəyə 6000 manat, şəxsi əşyalara dəyən ziyanla bağlı hər bir ailə üzvünə 1500 manat, digər ziyan dəyən yaşayış evləri üzrə hər bir ailəyə 1000 manat məbləğində maddi yardım ödəniləcək. Maddi yardım yaşayış evlərinin sahiblərinə və ya onların qanuni nümayəndələrinə bank vasitəsilə ödəniləcək. Prezident İlham Əliyev “Hərbi vəziyyət dövründə komendant saatının tətbiq edildiyi ərazilərin komendantının təyin edilməsi haqqında” 28 sentyabr tarixli Sərəncamının ləğv edilməsi barədə Sərəncam da imzalayıb.

Vüsalə Camal