2021-09-09 14:09

Ermənistanın 30 ilə yaxın davam etmiş silahlı təcavüzü zamanı Azərbaycanın təhsil infrastrukturuna ciddi ziyan vurulub. Ötən il baş vermiş 44 günlük müharibə zamanı da Ermənistan məktəbləri qəsdən hədəfə alıb, 10 məktəbli qətlə yetirilib, 16 məktəbli isə yaralanıb. Xarici İşlər Nazirliyinin məlumatında bildirilib ki, sentyabrın 9-nu Təhsilin Hücumlardan Beynəlxalq Müdafiəsi Günü kimi dünya ictimaiyyəti ilə birgə qeyd edərək, Ermənistandan silahlı qüvvələri tərəfindən törədilmiş müharibə cinayətlərinə dair çoxsaylı faktları araşdırmaq və bu cinayətləri törədənləri məsuliyyətə cəlb etmək beynəlxalq öhdəliklərinə riayət etməyi tələb edirik.

Nərgiz camal