2020-07-28 10:00

Türkiyə və Rusiya prezidentləri Ermənistanla Azərbaycan arasında yaranan gərginliyi müzakirə ediblər. Rəcəb Tayyib Ərdoğanla Vladimir Putin Ermənistan-Azərbaycan dövlət sərhədi ərazisində vəziyyətin kəskinləşməsi kontekstində Zaqafqaziyada vəziyyət haqqında fikir mübadiləsi aparıb. Vladimir Putin gərginliyin eskalasiyasına imkan yaradan istənilən hərəkətlərə yol verilməməsinin əhəmiyyətini vurğulayıb. Hər iki tərəf münaqişə vəziyyətinin dinc, danışıqlar yolu ilə həllində maraqlı olduğunu bildirib. Bölgənin sabitləşməsi üçün səylərin əlaqələndirilməsinə hazırlıq ifadə edilib.

Vəfa Şairova