2020-11-18 18:00

“Hazırda azad olunmuş Füzulidəyik. Bu, Ermənistan ordusunun əhalinin sıx yaşadığı kəndlərə qarşı istifadə etdiyi əldəqayırma raket qurğusudur”. Bunu Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev tvitterdə yazıb. Bu cür əldəqayırma sistemlərin əsasən Suriyada istifadə olunduğu və ermənilərin Yaxın Şərqdən muzdluları cəlb etdiklərinə diqqət çəkilir. Hacıyev digər paylaşımında Füzulidə ermənilərin dağıdılmış istehkam xətlərini paylaşıb. Qaraxanbəyli kəndindən də görüntülər yayımlayan prezidentin köməkçisi "Bölgədə sağlam tikili qalmayıb. Vandalizm sərhəd tanımır. Ermənistanın daha çox cinayətləri üzə çıxacaq. Beynəlxalq media Ermənistanın bütün hərbi cinayətlərini işıqlandırır" - yazıb.

Nərgiz Camal