Ermənistanın atəşi nəticəsində indiyə qədər 16 mülki şəxs həlak olub, 55 nəfər yaralanıb
2020-10-01 11:00
Baş Prokurorluq Ermənistan Silahlı Qüvvələrinin sentyabrın 27-dən bu günə qədər təmas xəttində yaşayış məntəqələrini atəşə tutması nəticəsində həlak olanların adlarını açıqlayıb. Ümumilikdə 16 vətəndaşımız düşmən təxribatının qurbanı olub. Onlardan 5-i Goranboy, 2-si Ağdam, 7-sı Tərtər, 2-si Füzuli sakinidir. Yaralananan mülki şəxslərin sayı isə 55-dir. 163 yaşayış evinə, həmçinin, 36 mülki obyektə külli miqdarda ziyan vurulub, eləcə də dinc sakinlərə məxsus nəqliyyat vasitələri yararsız vəziyyətə düşüb, çoxsaylı xırda və iribuynuzlu heyvanlar tələf olub.
Vəfa Şairova