2020-10-05 15:00

Bu gün səhər saatlarında Ermənistanın silahlı qüvvələri tərəfindən Gəncə şəhərinə atılan raketlər Gəncə beynəlxalq xəstəxanasının, 34 saylı orta məktəbin, Şah İsmayıl Xətai küçəsində yerləşən mebel fabrikinin yaxınlığına, “Yevlax avtovağzalı” kimi adlandırılan əraziyə və Mərkəzi bazara atılıb. Nəticədə 3 nəfər mülki şəxs müxtəlif dərəcəli bədən xəsarətləri alaraq xəstəxanaya yerləşdirilib, mülki infrastruktura külli miqdarda ziyan dəyib. Eyni zamanda, Beyləqan şəhərinə atılan 2 ədəd raket mərmisindən 1 ədədi uşaq bağçasının həyətinə, digəri isə şəhər ərazisindəki boş sahəyə düşüb. Bunlarla bağlı və ermənilərin Xızı, Abşerona raket atması faktları üzrə cinayət işləri açılıb.

Nərgiz Camal