2020-11-03 14:04

Ermənilərin gecə saatlarından ağır artilleriyadan atdığı mərmilər Ağcabədidə dağıntılara səbəb olub. Rayon ərazisinə düşən 6 mərmidən biri də Qaraxanlı kənd sakininə məxsus evə tuş gəlib, tikili dağılıb. 2016-cı ildə də düşmənin atdığı top mərmisi adıçəkilən evə düşübmüş. Dövlət tərəfindən əsaslı təmir olunan ev ermənilərin atəşkəsi pozması nəticəsində yenidən dağılıb. Hərbi əməliyyatlar başlayandan kənd ərazisində 5 ev dağılıb, 50-dən çoxuna ziyan dəyib. Goranboyun Yenikənd kəndi də atəşə tutulub. Evlərə və infrastruktura ziyan dəyib.

Vüsalə Camal