2020-10-11 11:00

Prezidentin köməkçisi Hikmət Hacıyev düşmənin Gəncəyə qarşı həyata keçirdiyi təxribatla bağlı paylaşımlar edib. “Gecə yarısı Gəncə şəhəri Ermənistanın raket hücumuna məruz qalıb. 3 yaşayış binası dağıdılıb. İndiyə olan məlumata görə, qadınlar da daxil olmaqla 7-dən çox mülki şəxs öldürülüb: “Uşaqlar da daxil olmaqla 33 mülki şəxs ağır yaralanıb. Ermənistan azərbaycanlı mülki insanlara hücum etmək üçün humanitar atəşkəsin arxasında gizlənir. Gəncənin sıx məskunlaşdığı yaşayış hissəsini nizamsız atəşə tutub. Ermənistanı dayandırmaq lazımdır”, - deyə Hikmət Hacıyev vurğulayıb. Prezidentin köməkçisi digər paylaşımında "Ermənistan humanitar yardım çərçivəsində yeni “Smerç” raketləri alıb. Dərhal Mingəçevirin dinc əhalisinə və energetika infrastrukturuna hücumlar başlandı. Sivil dünya və Ermənistanın arasında uyğunsuzluğa baxın"-deyə bildirib.

Vəfa Şairova