Şuşadan keçən Xankəndi-Laçın yolunda Rusiya sülhməramlılarına məxsus 2 minik avtomobilinin hərəkətinə növbəti dəfə şərait yaradılıb. Bu arada bir neçə gün əvvəl mülki erməni Rusiya sülhməramlılarının müvəqqəti nəzarətində olan ərazidən Azərbaycan Ordusunun postlarının birinə yaxınlaşaraq kömək istəyib, ac olduğunu, üşüdüyünü və siqaret istədiyini bildirib. Qarabağın erməni sakininə yemək, siqaret verilib, ona qayğı ilə yanaşılıb. Dünən Şuşada - Xankəndi-Laçın yolundakı aksiya yerində həmin mülki erməni Xankəndinə yola salınıb. Bundan sonra isə sosial şəbəkələrdə erməni istifadəçilər tərəfindən Toros Qazaryan adlı erməninin ünvanına müxtəlif təhqirlər və təhdidlər səsləndirilib. Hətta bir sıra erməni sosial şəbəkə istifadəçiləri Qazaryanı öldürmək lazım olduğunu deyiblər.