2020-10-08 12:03

Bu gün səhər saatlarından başlayaraq Ağdam rayonu müxtəlif istiqamətlərdən raket və artilleriya mərmiləri ilə intensiv atəşə tutulur. Nəticədə Böyükbəyli kənd sakinləri - 28 yaşlı Sədi Bəbir oğlu Cəbrayıllı və 43 yaşlı Hürü Talış qızı Quliyeva müxtəlif dərəcəli bədən xəsarətləri alaraq xəstəxanaya yerləşdiriliblər. Onlar avtomaşınla yol gedərkən Alıbəyli kəndi ərazisində mərmi düşməsi nəticəsində yaralanıblar. Baş prokurorluğun məlumatına görə, kənd ərazisində çoxsaylı mülki infrastruktur obyektlərə və yaşayış evlərinə külli miqdarda ziyan dəyib.

Vəfa Şairova