Ermənistanda aksiyaları dağıtmaqda oliqarxların cangüdənləri də iştirak edir
2020-11-21 12:06
İrəvanda baş nazir Nikol Paşinyanın istefasını tələb edən aksiyanı dağıdan üzü maskalıların hökumətə yaxın oliqarxların cangüdənləri olduğu açıqlanıb. Yerli mətbuatın xəbərinə görə, məğlub baş naziri müdafiə edən və utandıqları üçün üzünü gizlədənlər polislər olmayıb. “Polislərin” yaxasında Çin dilində təyinatı yazılan uniforma geyinməsi və aksiya iştirakçılarına qarşı sərt davranması da diqqətdən qaçmayıb. "Onlar niyə belə geyinmişdi” sualına rəsmi mövqelər “polislər döyüşlərdə iştirak edib qayıtdıqlar üçün geyimləri yararsız hala düşüb. Ona görə belə formalar paylanıb. Ermənicə polis yazılmasına vaxt çatmayıb” deyib.
Vüsalə Camal