“Mançester Siti”nin futbolçusu Erlinq Holann 2023-cü ilin ən məhsuldar oyunçusu ünvanını ələ keçirib. Norveçli hücumçu Premyer Liqanın X turunda “Mançester Yunayted”lə görüşdə dubl edib. Bununla cari ildə klubun və millinin heyətində keçirdiyi bütün matçlarda ümumi qollarının sayını 44-ə çatdıran 23 yaşlı forvard portuqaliyalı Kriştianu Ronaldonu geridə qoyub. Səudiyyə Ərəbistanının “Əl-Nəsr” klubunun hücumçusunun hesabında 43 qol var.

Emin İsazadə