Ekologiya və Təbii Sərvətlər Nazirliyi Qubadlıda apardığı ekoloji monitorinqlərin nəticələrini açıqlayıb
2020-11-20 18:00
Ekologiya və Təbii Sərvətlər Nazirliyi Qubadlıda apardığı ekoloji monitorinqlərin nəticələrini açıqlayıb. Monitorinqlər rayonun Xocahan, Tinli, Qilican, Əbilcə, Kavdadıq, Tatar, Qaraqoyunlu, Qiyaslı, Hal kəndlərində və Qubadlı şəhərində keçirilib. Bütün evlərin və inzibati binaların tamamilə dağıdıldığı, təbiət abidələrinin, çoxillik ağacların məhv edildiyi məlum olub. Qubadlı şəhərinin mərkəzində təbiət abidələri siyahısına daxil edilmiş yaşı 150-300 il olan Şərq çinarları, diametri 60 sm olan qoz ağacları məhv edilib və yandırılıb. Ötən əsrin 60-70-ci illərində Eldar şamı və sərv ağaclarından ibarət 2 hektarda salınmış park isə tamamilə məhv edilib.
Vüsalə Camal