Baş Dövlət Yol Polisi İdarəsi sürücülərə sükan arxasında mobil telefondan istifadənin yaratdığı təhlükələrlə bağlı növbəti dəfə xəbərdarlıq edib.Təkcə bu ilin əvvəlindən sükan arxasında mobil telefondan istifadə ilə bağlı 11 mindən çox inzibati xəta faktı aşkarlanıb.Bu statistika bəzi sürücülərin hələ də diqqəti yayındıran bu təhlükəli vərdişdən tam imtina etmədiyini göstərir.Qurum qeyd edib ki, mobil telefondan istifadə sürücünün diqqətini yoldan yayındırır, reaksiyasını gecikdirir və qəza riskini artırır. Baş Dövlət Yol Polisi İdarəsi vurğulayıb ki, heç bir zəng və ya mesaj insan həyatından dəyərli deyil.

29 iyun 2026