DTX-nin keçirdiyi antiterror tədbirləri nəticəsində Azərbaycanda ictimai və dini xadimlərə sui-qəsd hazırlığı və terrorçuluğun maliyyələşdirilməsi ilə bağlı cinayət əməlləri aşkarlanıb.İstintaqla müəyyən edilib ki, əvvəllər “Sumqayıt camaatı” adlı terror qruplaşmasının üzvü olmuş Vüqar Abdullayev, həmçinin Cəlal Hacıyev, Cavid Əliyev, Nicat Əhmədov, Nazim Əliyev və İlkin Həsənzadə sui-qəsd planlaşdırıblar. Onlar hədəflərin hərəkət marşrutları və mühafizəsi barədə məlumat toplayıblar.Həmçinin Cəlal Hacıyev, Ayxan Hüseynov, Elşən Əsgərov, Fəxrəddin İmanov, Nail Rəsulov və Elgün İsmayılov vasitəsilə xaricdəki radikal silahlı qruplaşmaların və terror təşkilatlarının kriptovalyuta ilə maliyyələşdirilməsi təşkil edilib.Birgə əməliyyat nəticəsində 5 ölkədə 10 nəfər saxlanılıb, onlardan Elşən Əsgərov Azərbaycana ekstradisiya olunub.Vüqar Abdullayev, Cəlal Hacıyev, Cavid Əliyev, Nicat Əhmədov, Nazim Əliyev, İlkin Həsənzadə, Ayxan Hüseynov, Elşən Əsgərov, Fəxrəddin İmanov, Nail Rəsulov və Elgün İsmayılov barəsində həbs qətimkan tədbiri seçilib. İstintaq davam edir.

18 sentyabr 2026