Dövlət Təhlükəsizliyi Xidmətində keçirilən tədbirlər nəticəsində Azərbaycan vətəndaşı Salahov Mircavad Seyidağa oğlu “İŞİD” terror təşkilatının üzvü kimi terrorçuluğun maliyyələşdirilməsi cinayət əməllərini törətməkdə şübhəli bilinərək saxlanılıb. Onun Suriyanın Raqqa şəhərində “İŞİD” terror təşkilatının sıralarına qoşularaq xüsusi təlim düşərgəsinə göndərilib, döyüş təlimlərində iştirak etməklə odlu silahdan istifadə qaydalarına yiyələnib. Daha sonra o, təşkilatda mühasib kimi fəaliyyətə başlayıb. Cinayət məsuliyyətindən yayınmaq məqsədilə bir müddət digər ölkələrdə gizlənib. O, təşkilata qardaşı - Salahov Mircəlal Seyidağa oğlu tərəfindən cəlb olunub. Sonuncu sözügedən təşkilatın Suriyada apardığı hərbi əməliyyatlarda iştirak edərək yaralanıb. Hazırda kompleks istintaq-əməliyyat tədbirləri davam edir.

Nərgiz Camalzadə