2020-12-12 18:06

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətindən bildirilib ki, kiberdələduzlar “Azərpoçt”un rəsmi saytına oxşar saxta saytlar yaradırlar. Hədəfləri onlayn alqı-satqı səhifələrində məhsul satışını həyata keçirən vətəndaşlardır. Kiberdələduzlar alıcı qismində saxta “WhatsApp” nömrələrindən bu vətəndaşlara yazaraq məhsulu almaq istədiyini bildirir və ödənişin həyata keçirilməsi üçün saxta sayta daxil olaraq kart hesabı məlumatlarını daxil etməsini istəyir, hesabın balansında olan vəsaiti ələ keçirirlər. Vətəndaşlardan diqqətli olmaları, belə hallarla üzləşdikdə Xidmətə məlumat vermələri xahiş olunur.

Vüsalə Camal