2020-11-24 18:07

Kiberdələduzların koronavirusla bağlı həyata keçirdiyi növbəti “fişinq” hücumunda məşhur şəxslərin videolarından istifadə olunaraq saxta canlı yayımlar edilir. Nəqliyyat, Rabitə və Yüksək Teknologiyalar Nazirliyindən bildirilib ki, 10 min avrodan çox ianə təklifi ilə istifadəçilər həmin yayımları izləməyə sövq olunur. İstifadəçidən qeydiyyatdan keçməsi və kart hesabının məlumatları istənilir. Ardından hesabından vəsaitlər silinir və fərdi məlumatları digər kiberdələduzluq əməllərində istifadə olunur. Elektron Təhlükəsizlik Xidməti vətəndaşları diqqətli olmağa, bu bildirişləri “spam” mesaj olaraq şikayət etməyə çağırır.

Nərgiz Camal