2020-10-12 16:05

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti Ermənistan tərəfindən e-poçtlar vasitəsilə saxta məktublar göndərildiyini qeydə alıb. Məktublarda qeyd olunur ki, guya əsas serverlər erməni hakerlər tərəfindən hücuma məruz qaldığından məktublar “proxy” serverlər üzərindən göndərilir və Maliyyə Nazirliyi, Mərkəzi Bank vətəndaşları bank hesablarından vəsaitlərini çıxarmağa çağırır. Bu məlumatlar həqiqəti əks etdirmir və təxribatdır. Vətəndaşlar tanımadıqları şəxslərdən gələn məlumatlara etimad etməsinlər, hər hansı kiberinsidentlə üzləşdiklərində Xidmətə müraciət edə bilərlər.

Fərid Mehdiyev