Daxili İşlər Nazirliyi sosial şəbəkələrdə yayılan saxta və cəlbedici reklamlarla bağlı vətəndaşlara ciddi xəbərdarlıq edib.İnternetdə tez-tez “brend məhsullar çox ucuz qiymətə satılır”, “son fürsət”, “məhdud sayda” kimi reklamlarla istifadəçilər cəlb olunur. İlk baxışda sərfəli görünən bu təkliflər əslində çox vaxt dələduzluq məqsədi daşıyır.Bu tip reklamların əsas məqsədi vətəndaşların şəxsi və bank kartı məlumatlarını ələ keçirməkdir. Saxta saytlar məşhur brendlərin adından istifadə edərək etibar yaratmağa çalışır və insanları tələsik qərar verməyə sövq edir.Qurum şübhəli linklərə daxil olmamağı, saytların ünvanını diqqətlə yoxlamağı, yalnız etibarlı platformalardan alış-veriş etməyi və emosional təzyiq yaradan kampaniyalara aldanmamağı tövsiyə edir.

28 aprel 2026