Daxili İşlər Nazirliyinin Nəqliyyatı İntellektual İdarəetmə Mərkəzi sürücü və piyadalara müraciət yayıb. Qurum bildirir ki, piyada vurulması ilə nəticələnən qəzaların əsas səbəbi diqqətsizlik və məsuliyyətsizlikdir. Belə hadisələrin əksəriyyəti piyada keçidlərinin yaxınlığında, lakin onlardan kənarda baş verir. Mərkəz vəziyyətin ciddiliyini nəzərə alaraq yol hərəkəti iştirakçılarını bir daha ehtiyatlı olmağa çağırıb: “Əziz yol hərəkəti iştirakçıları, həyat və sağlamlığınız üçün vacib olan təsadüf və ya qismət yox, yollarda diqqət və məsuliyyətdir. Həm piyadalar, həm də sürücülər son dərəcə diqqətli və məsuliyyətli olmalıdırlar.”