Dövlət İmtahan Mərkəzi martın 9-u və 15-də keçirilmiş buraxılış imtahanlarından sonra iştirakçılar arasında onlayn sorğuya start verib. Qurumdan bildirilib ki, sorğunun məqsədi imtahan prosesi ilə bağlı şagirdlərin fikirlərini öyrənmək və ümumi məmnunluq səviyyəsini qiymətləndirməkdir. Nəticələr gələcəkdə imtahanların daha da təkmilləşdirilməsi üçün istifadə olunacaq. Sorğuda həmin tarixlərdə imtahan verən şagirdlər iştirak edə bilərlər. Qeyd edək ki, sosial mediada bəzi müəllim və şagirdlər martın 9-da keçirilən imtahanın, xüsusilə Azərbaycan dili və riyaziyyat fənləri üzrə çətin olduğunu bildiriblər.Dövlət İmtahan Mərkəzi isə imtahanların mövcud təhsil proqramı və dərsliklər əsasında hazırlandığını açıqlayıb.

19 mart 2026