Daşkəsənin Aran Zəylik kəndində yerləşən 7-9-cu əsrlərdə inşa olunan Alban Məbədində bir neçə şəxsin qanunsuz olaraq qızıl axtarması və məbədə ziyan vurulması ilə bağlı polisə məlumat daxil olub. Məlum olub ki, Sumqayıt sakinləri Namiq Əliyev, Əliağa Əhmədov, Şirvan sakini Eynur Səmədov, Bakı sakini Ülfət Niftalıyev və Quba sakini Taleh Şirinov qabaqcadan planlaşdıraraq sözügedən əraziyə gəlib, müxtəlif elektrik avadanlıqları və alətlərin köməyi ilə məbədin ərazisində qızıl axtarışlarına başlayıblar. Həmin şəxslər maddi sübutlarla birlikdə saxlanılaraq istintaqa təhvil verilib.