Xətai Rayon Polis İdarəsinin əməkdaşları rayon ərazisində evlərdən birinə basqın edərək quldurluq əməli törədən dəstə üzvləri - Ramazan Kərimov, Əli Vəliyev, Orxan Musəvi və İlqar Xəlilovu saxlayıblar. Müəyyən edilib ki, Ramazan Kərimov dayısının evindəki külli miqdarda pulu ələ keçirmək məqsədi ilə qohumu Əli Vəliyev və digərləri ilə mənzilə basqın etmək barədə razılığa gəlib. Dəstə üzvləri ev sahibinin oğlunu yumruqla vurub, bıçaqla hədələyərək mənzilə basqın ediblər. Evdən 50 min dollar, 1900 manat və ümumi dəyəri 20 min manat olan qızıl-zinət əşyalarını ələ keçiriblər.