Daxili İşlər Nazirliyi vətəndaşlara müraciət edərək xüsusi karantin rejimi qaydalarına ciddi əməl etməyə çağırıb
2020-12-02 14:01
Daxili İşlər Nazirliyi vətəndaşlara müraciət edərək xüsusi karantin rejimi qaydalarına ciddi əməl etməyə çağırıb. "Virusa yoluxan şəxslərə ev şəraitində müalicə təyin edilməsinə baxmayaraq, yaşayış yerlərini tərk etməsi halları müşahidə olunur. Dekabrın 1-də polis və Daxili Qoşunların hərbi qulluqçuları tərəfindən ayrı-ayrı şəhər və rayonlarda 26 aktiv “COVID-19” xəstəsi müəyyən olunaraq saxlanılıb. Xəstələrdən 24 nəfəri evə qaytarılıb, 2 nəfər xəstəxanaya yerləşdirilib. 18 nəfər barəsində isə cinayət işi başlanıb. Bir daha vətəndaşlarımızı xüsusi karantin rejiminin tələblərinə ciddi əməl etməyə çağırırıq"- deyə müraciətdə qeyd edilib.
Vüsalə Camal