Daha dörd klub rəsmən Superliqadan ayrıldığını açıqlayıb
2021-04-21 16:09
İspaniyanın "Atletiko Madrid", İtaliyanın "İnter", "Yuventus" və "Milan" klubları Avropa Super Liqasından ayrıldığını açıqlayıb. Bu barədə adı çəkilən klubların saytında məlumat verilib. Madrid təmsilçisinin idarə heyətinin ötən gün bir araya gəldiyi və bu qərarın verildiyi bildirilib. Yuventus və Milan klubları da artıq sözügedən layihədən çəkildiyini bəyan edib. Bununla da Superliqadan imtina edən klubların sayı 10-a çatıb. "Real Madrid" və "Barselona" isə hələlik bu barədə açıqlama yaymayıb.
Nərgiz Camal