2020-11-28 14:08

Tovuzda koronavirus testinin nəticəsi pozitiv çıxan İbrahimhacılı kənd sakini Sakit Gülməmmədovun ev şəraitində müalicə almasına baxmayaraq, Qazax rayonuna getməsi aşkarlanıb. Tibbi prosedurlar gözlənilməklə o yaşadığı evə göndərilib və barəsində cinayət işi başlanılıb. Analoji hal Ağcabədi və Göyçayda da yaşanıb. COVID-19 xəstələri kimi qeydiyyatda olan Ağcabədi sakini olan 3 nəfər və Göyçayın Kürdəmiş kənd sakini Nicat Babaşovun yaşadıqları evləri tərk edərək karantin qaydalarını kobud şəkildə pozduqları müəyyənləşib. Həmin şəxslər müalicə aldıqları ünvanlara aparılıblar və barələrində qanunamüvafiq tədbir görülüb.

Vüsalə Camal