2020-11-27 12:06

Samuxda koronavirus testinin nəticəsi pozitiv çıxan, rayon sakini Orxan Orucov ev şəraitində müalicə almasına baxmayaraq yaşadığı ünvanı tərk edib. Polis əməkdaşları dərhal onun rayon ərazisində yerini müəyyən edərək, tibbi prosedurlar gözlənilməklə yaşadığı ünvana göndərib. Onun barəsində cinayət işi başlanıb. Xaçmaz və Qubada da COVID-19 infeksiyasına yoluxan sakinlərin yaşayış yerini tərk etdiyi müəyyən olunub. Xaçmazda 1, Qubada 3 belə şəxs aşkar edilib. Onlardan 2-si yaşadığı ünvana qaytarılıb, 2-si isə xəstəxanaya yerləşdirilib. Törətdikləri əmələ hüquqi qiymət verilməsi üçün araşdırmalar aparılır.

Vüsalə Camal