Daşkəsəndə qarın qalınlığı 40 sm-ə çatdı. Gəncədə hava ilə əlaqədar xidmət sahələri gücləndirilmiş iş rejiminə keçdi
2021-03-12 16:05
Ötən gündən etibarən Daşkəsənin mərkəzinə yağan qarın hündürlüyü artıq 30-40 santimetrə çatıb. Rayon İcra Hakimiyyəti başçısının müavini Vüqar Məmmədovun sözlərinə görə, güclü qar hələ də yağmağa davam edir. Qabaqlayıcı tədbirlər sayəsində kommunal xidmətlərdə heç bir problemlər müşahidə olunmur. Əhaliyə işıq, qaz və suyun verilməsi davam etdirilir. Dünən axşam saatlarından etibarən Gəncəyə də qar yağmağa başlayıb. Gəncə Şəhər Mənzil-Kommunal Təsərrüfatı İstehsalat Birliyinin mətbuat katibi Vüsal Balayevin sözlərinə görə, mövcud vəziyyətə uyğun olaraq texnikalar və canlı qüvvə hazır vəziyyətə gətirilib.
Fərid Mehdiyev