2020-11-27 18:04
Dağlıq Qarabağ münaqişəsinin həllində yeni mərhələyə, yenidənqurma və reabilitasiya, dinc birgəyaşayışın bərpası mərhələsinə qədəm qoymuşuq. İnkişaf və əməkdaşlıq üçün yeni imkanlar meydana çıxır və Qara Dəniz İqtisadi Əməkdaşlıq Təşkilatı yeni reallıqları qiymətləndirməli və onlardan faydalanmalıdır. Bunu Xarici işlər naziri Ceyhun Bayramov Təşkilata üzv dövlətlərinin Xarici İşlər Nazirləri Şurasının 42-ci iclasında deyib. "Üçtərəfli bəyanatda əks olunduğu kimi, bölgədəki bütün iqtisadi və nəqliyyat əlaqələri açılır. Bu o deməkdir ki, Asiya ilə Avropa arasında ticarətdə regionumuzun rolunun gücləndirilməsinə imkanlar yaradacaq həyati əhəmiyyətli müstəqil quru dəhlizi fəaliyyətə başlaya bilər", - deyə nazir qeyd edib.
Nərgiz Camal