Dünya liderləri Navalnının zəhərlənməsinə görə Rusiyadan izahat tələb edirlər
2020-09-03 10:05
"Rusiya hökuməti Aleksey Navalnının başına gələnləri izah etməlidir". Bunu Britaniyanın Baş naziri Boris Conson deyib. Vurğulayıb ki, Navalnıya qarşı kimyəvi silahın istifadəsi amansızlıqdır. NATO Baş katibi Yens Stoltenberq, Aİ Şurasının Prezidenti Şarl Mişel, Fransa Xarici İşlər naziri Jan-Iv Lö Drian, Avropa Komissiyasının Prezidenti Ursula fon der Leyen də Rusiya müxalifət liderinin zəhərlənməsi ilə bağlı bəyanat verib. Almaniya kanslerinin mətbuat katibi Ştefen Zaybert deyib ki, Navalnıdan götürülən nümunələr üzərində aparılan toksikoloji testlərdə "Noviçok" qrupuna aid olan sinir iflicedici maddənin izləri tapılıb.
Nərgiz Camal