Bakıda keçirilən cüdo üzrə dünya çempionatında Azərbaycan millisinin üzvü Rəşid Məmmədəliyev bürünc medal uğrunda mübarizə aparacaq. 73 kq çəki dərəcəsində çıxış edən cüdoçu üçüncü yer uğrunda görüşdə Braziliya təmsilçisi ilə qarşılaşacaq. Medal görüşləri bu gün saat 18:00-da başlayacaq. Olimpiya çempionu Hidayət Heydərov isə mübarizəni dayandırıb. 73 kq çəkidə çıxış edən idmançı 1/8 finalda italiyalı rəqibinə cərimə xalları hesabına uduzub. 57 kq çəki dərəcəsində yarışan Xədicə Qədəşova da mundialla vidalaşıb. Qeyd edək ki, Bakıda keçirilən dünya çempionatı oktyabrın 11-də başa çatacaq.

06 oktyabr 2026