2020-10-07 14:03

Ermənistanın BTC boru kəmərinə raket atəşi ilə bağlı cinayət işi açılıb. Baş Prokurorluğun məlumatına görə, düşmən “Smerç” nəslindən olub böyük dağıdıcı qüvvəyə malik, içərisində 300 ədəd bombacıqlar olan reaktiv yaylım atəşli raketdən atəş açıb. Azərbaycan silahlı qüvvələri tərəfindən havada zərərsizləşdirilməsi nəticəsində raketin içərisində olan bombacıqlardan bir hissəsi Yevlax rayonu Aran qəsəbəsindən keçən diametri 42 düym olan Cənub Qafqaz Genişlənmiş Boru kəmərinin boru xəttinin üzərinə düşüb. Bir hissəsi həmin ərazidən keçən, xam nefti Qara dəniz sahilinə nəql edən Qərb İxrac Boru kəmərindən 120 metr məsəfəyə, digər hissələri isə həmin qəsəbədən keçən Bakı-Tibilisi-Ceyhan Neft kəmərindən 100 metr məsafəyə səpələnib.

Nərgiz Camal